Солскјер: Боли кога гледам како некој друг го крева трофејот

Оле Гунар Солскјер испрати честитка до Ливерпул после освојувањето на шампионската титула.

Со оваа титула Ливерпул дојде на 19 титули и само една помалку од својот голем ривал Манчестер Јунајтед. Норвежанецот му честиташе на Ливерпул, меѓутоа призна дека го боли кога гледа како некој друг е на врвот.

„Кога еден тим ќе ја освои ПЛ или Чемпионшип сигурно ја заслужува титулата, па така заслужува и почит. Ова е тешка лига и затоа честитки до Клоп и играчите. За мене е болно кога гледам како некој друг го крева трофејот. Мислам дека ова важи за сите кои на некои начин се поврзани со Манчестер Јунајтед. Се надевам дека веќе во наредната сезона ќе се вратиме на старите патеки“, изјави Солскјер.