Лампард: За мене Сити е најдобар тим во лигата

Френк Лампард и Челзи паднаа во втор план после победата против Манчестер Сити затоа што со нивниот триумф му ја осигураа титулата на Ливерпул.

Иако Ливерпул доминантно ја освои Премиер лигата за Лампард најдобар тим во првенството е Манчестер Сити.

„Беше навистина тешко. Но, така е кога играч против екипа со вакви индивидуалци, поради начинот на кој се тренира и она како што играат за мене тие се најдобриот тим. Пеп и Клоп се друга класа, затоа Ливерпул вечерва слави титула“, изјави Лампард.

Челзи до крајот на сезоната сака да обезбеди место во топ 4 и место во Лигата на шампионите. Во овој момент се четврти со 54 бода.