Кирјос објави видео од Новак и друштвото и порача: Немојте после да ми кажете дека јас правам глупости (ВИДЕО)

Oткако Новак Ѓоковиќ објави дека тој и сопругата Јелена се позитивни на коронавирус следуваа реакции во тениската и спортската јавност.

Новак од Задар отпатува назад во Белград за да се тестира на коронавирус и денес ги доби резултатите. Тој и неговата сопруга Јелена се позитивни, додека нивните деца не се заразени.

Првиот тенисер во светот доби голем број критики, но јавно се извини и порача дека се правел од чисто срце и со најдобра намера.

Меѓу најгласните критичари беше и Австралиецот Ник Кирјос кој и вчера го критикуваше самото одржување на турнирот. Денес се огласи повторно.

„Моите молитви се со сите играчи кои се заразија со коронавирус. Само немојте повеќе да ми зборувате дека моите постапки се неодговорни и глупави. Ова нема никаква конкуренција“, напиша Кирјос на социјалните мрежи и додаде видео на кое Ѓоковиќ, Димитров, Чориќ и останатите се забавуваат во Белград.

Prayers up to all the players that have contracted Covid – 19. Don’t @ me for anything I’ve done that has been ‘irresponsible’ or classified as ‘stupidity’ – this takes the cake. https://t.co/lVligELgID

— Nicholas Kyrgios (@NickKyrgios) June 23, 2020