Oфицијално: Две големи имиња заминуваат од ПСЖ!

Бразилецот Леонардо потврди дека ПСЖ нема да ги продолжи договорите со Тијаго Силва и Едисон Кавани.

На двете големи имиња од ПСЖ им истекуваат договорите, а клубот нема да им понуди нови. Кавани седум години беше дел од ПСЖ и одигра 200 натпревари и постигна 138 голови. Силва во ПСЖ помина осум години и успеа да собере 204 натпревари.

Според информациите и она што се пишуваше во претходниот период се очекува и двајцата да се вратат во Италија.

Силва најмногу се поврзуваше со Милан, додека Кавани со градскиот ривал на „росонерите“, Интер.