Дома Фудбал Италија Кулушевски: Го избрав Јувентус поради Сари

Кулушевски: Го избрав Јувентус поради Сари

Дејан Кулушевски е првото засилување за италијанскиот шампион Јувентус, откако „бјанконерите“ го договорија неговиот трансфер во јануари.

19-годишниот офанзивен фудбалер со македонско потекло блеска оваа сезона во Серија А и со добрите игри си обезбеди трансфер во „старата дама“.

Анде Јанков - македонски автор: Тајните на пишување добар крими роман!? ↓↓↓


Јувентус за неговиот потпис на Аталанта и плати 35 милиони евра плус се обврза во следните години да исплати уште 10 милиони во име на бонуси.

За неговиот потпис силно беше заинтересиран и Интер, а Кулушевски откри дека го избрал Јувентус поради тренерот Сари.

„Би сакал да ја завршам оваа сезона на најдобар можен начин и едвај чекам да му се приклучам на Јувентус. Одам во тој клуб за да учам и да растам како играч. Едвај чекам да играм заедно со Дибала. Пред мечот Парма – Јуве Роналдо, Буфон и Киелини ме поздравија и му посакаа добредојде“, изјави Кулушевски.

„Зборував со Сари и поради него го избрав Јувентус, ми се допаѓа начинот на кој играат неговите тимови. Тактиката на Конте е различна и тоа ми создаваше сомнеш, поради тоа го избрав Јуве“, откри Кулушевски.

Коментари
Прочитајте поврзани статии
Load More In Италија

Проверете

Шевченко обвинува: УЕФА не сака Украинец во раководството

Украинецот Андриј Шевченко не беше избран во Извршниот комитет на УЕФА, па ја обвини орган…