Озил ги налути Англичаните – одби да му биде намалена платата

Офанзивниот играч од средниот ред на Арсенал, Месут Озил и уште двајца играчи на Арсенал одбиле намалување на платите, објави клубот од „Емирати“.

Од таборот на Арсенал во вчерашниот ден соопштија дека речиси сите во клубот се согласиле на играчите, тренерите и целиот стручен штаб да им бидат намалени платите за 12% во следните 12 месеци.

Еден од оние кои цврсто се спротивставиле на ваквиот предлог на управата на Арсенал бил Месут Озил кој  е најплатениот фудбалер на клубот со заработка од 400.000 фунти неделна плата.

Не е познато кој се останатите двајца играчи кои одбиле кратење на приходот. Овој потег дополнително го налутил Микел Артета кој летово најверојатно ќе се ослободи од Озил и од уште неколкумина првотимци на „топџиите“.

Озил е еден од најплатените фудбалери во Премиер лигата, па ваквиот негов потег предизвика револт во јавноста и ги налути Англичаните.