ФОТО: Погледнете како ќе изгледа новата топка во Премиер лигата

Американскиот производител на спортска опрема Најк ја подготви топката за новата сезона во Премиер лигата.

Тимовите од Премиер лигата во следната сезона ќе ја користат топката „Најк Ордем 5“, а мора да се признае дека нејзиниот изглед навистина привлекува внимание.

Од Најк тврдат дека оваа топка има посебен дизајн кој ќе им помогне на напаѓачите да ја испратат топката таму каде што ќе замислат, но е формирана и за голманите да немаат никаков проблем за нејзиното фаќање.

Ордем 5 има одлична адхезија за ракавиците, па секако ќе биде интересно да ги гледаме дуелите во Премиер лигата следната сезона. Оваа топка на продажба ќе биде пуштена на 5. јуни, а на терените во Премиер лигата ќе ја видиме во август, кога ќе започне и новата сезона.

Од создавањето на Премиер лигата користени беа 14 топки, а 12 од нив беа производство на Најк.