Челзи тргнува по Лука Јовиќ!

Лука Јовиќ најверојатно после само една сезона ќе ги напушти редовите на Реал Мадрид.

Репрезентативецот на Србија на Бернабеу пристигна како засилување, се веруваше дека може да ги ‘решета’ мрежите како и во Бундеслигата, но не ги оправда очекувањата.

Во 24 одиграни натпревари Јовиќ успеа да се запише во листата на стрелци само два пати, а после последните случувања со непочитување на 14-дневниот карантин, медиумите во Шпанија се убедени дека нема иднина во Реал и дека ќе го напушти клубот.

Доколку дојде до тоа сценарио, Јовиќ нема за што да се грижи бидејќи многу клубови имаат интерес за неговите услуги, а последен во низата е Челзи, чиј тренер Френк Лампард смета дека играч со такви предиспозиции му е потребен за новата сезона.

Англичаните исто така тврдат дека Лампард сака Јовиќ да го вклопи со младите од клубот кои оваа сезона експлодираа, а останува да видиме дали Сините планираат позајмица или откуп на договорот.