Легендата на Ливерпул отпуштен од болница!

Легендата на Ливерпул, Кени Далглиш беше отпушен од болницата во која беше примен во средата како позитивен на коронавирус.

69-годишниот поранешен фудбалер и менаџер примал интравенска терапија со антибиотици поради инфекцијата која ја предизвикал КОВИД 19, но сега е во добра состојба и беше отпуштен од болница.

Сер Кени е вратен во неговиот дом, во задолжителна самоизолација.

„Лекарите се апсолутно брилијантни. Луѓето често мислат дека познатите добиваат подобар третман во здравствените установи, но јас можам да ве уверам дека секој човек е максимално згрижен во болниците“, изјави Далглиш.