Ништо од Рагник, нов кандидат за наследник на Пиоли во Милан?

Лучијано Спалети во италијанските медиуми се споменува како кандидат за клупата на Милан.

На Апенините веќе со месеци се шпекулира дека Стефано Пиоли нема да остане на клупата на Милан. Како идеално решение за Милан се споменуваше Ралф Рагник со кој беше скоро се договорено, но сега се шпекулира дека Германецот се откажал од работата на „Сан Сиро“.

Во Милано во меѓувреме се насочија кон други решенија, а еден од кандидатите според „Кориере дело Спорт“ е Лучијано Спалети кој зад себе има големо искуство Серија А.

Управата на Милан со Спалети преговараа пред Пиоли да стане тренер, но тогаш проблем беа финансиските услови. Денес ситуацијата според медиумите во Италија е поинаква и Спалети е спремен да седне на клупата на „росонерите“.

Низ тренерската кариера Спалети водеше повеќе клубови помеѓу кои се: Интер, Рома, Зенит…Неодамна се шпекулираше и дека може да седне на клупата на Фиорентина.