Микел Артета го победи коронавирусот!

Менаџерот на Арсенал, Микел Артета вели дека целосно се излечил од коронавирусот.

Шпанскиот тренер стана првиот менаџер во Премиер лигата кој на 12. март беше позитивен на тестот за коронавирусот.

„Ми беа потребни три или четири дена да почнам да се чувствувам подобро. Сега сум добро и чувствувам дека сум целосно излечен.“ – изјави Артета.

Инаку, според планот играчите на Арсенал требаше да се вратат на тренинг веќе утре, но очигледно до тоа нема да дојде.

„Како резултат на моменталната ситуација, јасно е дека би било неодговорно да бараме од играчите да се вратат во ова време.“ – соопштија од Арсенал.