Уште еден играч сакал да го напушти карантинот на Јувентус, но не му било дозволено

Неколку играчи на Јувентус минатата недела го напуштија Торино и заминаа кај своите семејства.

Прво тоа го направи Гонзало Игуаин со цел да ја посети својата болна мајка во Аргентина, а потоа дозвола добија Миралем Пјаниќ и Сами Кедира.

За викендот од Торино во Бразил се упати и Даглас Коста, истото сакал да го направи и Данило.

Искусниот бек сакал да оди кај своето семејство во Бразил меѓутоа во таа намера го спречил неговиот агент кој го убедил да остане во самоизолација и да тренира.

Инаку во Јувентус позитивни на Ковид-19 после тестирањата се покажаа Даниеле Ругани, Блез Матуиди и Паоло Дибала, останатите играчи на „старата дама“ беа негативни.