ЦЕЛ НАТПРЕВАР: Златната рака на Перо Блажевски и денот кога пред МЗТ падна големиот Реал Мадрид

После потсетувањето на Кометал во 2002 (тука), пречекот на кошаркарите (тука), победата над Грција (тука)…Денес ќе ве потсетиме и ќе ви предложиме да ја погледнете најголемата победата на МЗТ Скопје.

Погодувате? Која друга ако не онаа над големиот Реал Мадрид.

Датумот 6 ноември со златни букви е запишан во историјата на МЗТ Скопје, на овој ден во 1996 година во популарната „лименка“ во „Јане Сандански“ падна големиот Реал Мадрид предводен од легандарниот Жељко Обрадовиќ.

„Металците“ во неизвесен натпревар со двете слободни фрлања на Перо Блажевски на неколку секунди до крајот ги победија „кралевите“ со 69-68 во рамките на Еврокупот. Во тој историски меч кој никогаш нема да се заборави Блажевски даде 22 поени, Мирза Куртовиќ 15, Врбица Стефанов 14, а двоцифрен беше и Американецот Марк Дин (11 поени).

Во продолжение уживајте во овој епски натпревар за кој се зборува и денес и ќе се зборува во иднина…