Кастиљехо за животот во Милано: Супермаркетите се како болници, надвор можете само со дозвола

Коронавирусот се запре, никој не знае кога повторно ќе продолжи…Најмногу е погодена Италија, посебно северниот дел од оваа земја, покраината Ломбардија и градот Милано.

Поради ваквата ситуација топката мирува, спортистите не тренерираат седат дома и чекаат да им се каже што понатаму.

За ситуацијата зборуваше фудбалерот на Милан, Сами Кастиљехо.

„Од понеделникот сум затворен дома бидејќи првенството е прекинато. Ни кажаа да останеме затворени до наредниот понеделник, иако мене ми изгледа дека ова ќе потрае и подолго бидејќи во меѓувреме неколку фудналери се инфицираа“.

Како се живее овие денови?

„Надвор можете да излезете само со одредена дозвола или во итен случај: Ако морате да одите на работа, во продавница за храна или аптека. Минатата недела отидов во супермаркет, ми изгледаше како болница, луѓето носеа маски преку лицето и ракавици, а тогаш не беше дојдено до оваа точка“:

Како му е дома?

„Малку ми е досадно. Спијам, готвам, разговарам со семејството бидејќи не можеме да излегуваме најголем дел од денот го поминувам разговарајќи со семејството и пријателите“, раскажа Кастиљехо.