Зидан ја презеде одговорноста: Најлош натпревар сезонава!

Реал Мадрид синоќа беше поразен на гостувањето кај Бетис (2:1) и падна од лидерската позиција на табелата.

Зидан после мечот ја презеде одговорноста и констактираше дека ова бил најслабиот натпревар на неговиот тим сезонава.

„Губевме премногу топки, јас сум одговорен и немам оправдување. Не можеме да бидеме задоволни, иако играчите се потрудија. Мораме да ги анализираме работите на теренот“, истакна Зидан.

„Го одигравме нашиот најлош натпревар во сезоната. Немавме доволно посед на топката, агресивност. Не треба да паничиме, но не можеме да бидеме среќни. Не ги обвинувам играчите. Јас сум со нив до смрт“, додаде Зидан.