Милан ја откажа прес-конференцијата пред натпреварот против Џенова

Вообичаената прес-конференција на Милан е откажана поради страв од ширење на коронавирусот.

Поради мерки на претпазливост Милан ја откажа прес-конференцијата која требаше да се одржи утре. Милан во недела игра против Џенова од 12:30 часот, а пред овој натпревар нема да го има вообичаеното обраќање на тренерот Пиоли.

Клубот објасни дека тоа е направено поради страв од ширење на коронавирусот, како и дека интервјуто со тренерот ќе биде дополнително објавено на сајтот на клубот.

Ќе потсетиме, поради коронавирусот дел од натпреварите во Италија викендов ќе се играат без публика.