Мане не знаел дека освојувачот на ПЛ добива и медал, а мајка му мрази фудбал

Садио Мане не знаел дека освојувачите на Премиер лигата на на крајот од сезоната освен трофеј, добиваат и медали.

Ливерпул е се поблиску до титулата, а Мане во разговор за „Би-Би-Си“ откри дека не знаел дека ќе добијат медали.

„Слушнав дека ако ја освоиме лигата ќе добиеме медали. Никогаш претходно не сум слушнал за тоа, но тоа не ми е многу важно“.

Сенегалецот потенцираше и дека на Ливерпул не му е така лесно како што изгледа.

„Лесно? Не, нема шанси. Премиер лигата е најдобра во светот и морате да дадете повеќе од 100% во секој натпревар ако сакате да победите. Тоа е она што секогаш се обидуваме да го правиме и мислам дека добро ни оди меѓутоа мораме да продолжиме така“.

Мане призна и дека неговата мајка и денес мрази фудбал.

„Мојата мајка и вујко никогаш не сакаа да играм фудбал, па морав да одам на училиште и да работам нешто друго. На крајот им докажав дека грешат“, изјави Мане.