Брајтвајт: Бев во инвалидска количка, сега играм за Барселона

Барселона беше во потрага по напаѓач и на изненадување на многумина го купи Мартин Брајтвајт од Леганес за 18 милиони евра.

Данскиот напаѓач пристигна на „Камп Ноу“ со дозвола од Лигата како замена за повредениот Осман Дембеле.

Напаѓачот за шпанските медиуми откри дека како дете имал тешка повреда на колкот и цели две години поминал во инвалидска количка.

„Две години морав да седам во инвалидска количка бидејќи имав повреда на колкот. Морав да одмарам и не можев да ја испружам ногата, а за дете кое сака да игра фудбал, тоа е нешто најлошо“, изјави Брајтвајт.

„Кога се видов себе си во огледало со дресот на Барселона беше неверојатно. Го исполнив сонот да заиграм за голем клуб и ќе дадам се од себе за да покажам дека имам квалитет да играм во клуб како Барселона“, додаде напаѓачот.