Видал ја збесна публиката во Неапол со два збора: Форца Јуве! (ВИДЕО)

 Барселона се најде во проблеми пред реваншот во осминафиналето од Лигата на шампионите откако одигра 1:1 против Наполи во првиот натпревар.

Имено на 18. март на „Ноу Камп“ Барселона ќе игра без Серхио Бускетс и Артуро Видал кои ќе го пропуштат овој натпревар поради суспензија. Посебно непотребен беше црвениот картон кој во 89. минута го доби Видал. Чилеанецот беше исклучен поради неспортско однесување.

Темпераментниот играч за врска ја остави Барса неколку минути со десетмина, а при излегувањето од терен ги провоцираше навивачите на Наполи кои му испраќаа силни свирежи.

Видал им возврати и кон нив извика: Форца Јуве! Што сигурно дополнително ја налути публиката.

Ќе потсетиме, Видал е поранешен играч на Јувентус, клуб кој е веројатно најомразен во Неапол.

I think Vidal just shouted forza Juve to the Napoli supporters…?
pic.twitter.com/x8k5z0IXzh

— Juvefc Gifs & Videos (@juvefcgifs) February 25, 2020