Бекот на ПСЖ не знаел кој е Халанд…Сега многу добро знае!

Eрлинг Халанд одново го воодушеви фудбалскиот свет, 19 годишниот Норвежанец одигра одличен натпревар против ПСЖ во осминафиналето од Лигата на шампионите.

Борусија Дортмунд во првиот натпревар од осминафиналето кој го играше на домашен терен запиша триумд од 2:1. Двата гола на „милионерите“ беа дело на Халанд. Норвешкиот „вундеркид“ така дојде до бројката од 10 гола во Лигата на шампионите со што е прв стрелец заедно со Роберт Левандовски.

Поради Халанд во центарот на вниманието после натпреварот се најде десниот бек на ПСЖ, Томас Мение. Мение стана предмет на исмејување поради изјавата за Халанд пред натпреварот.

„Дали се плашам од Халанд? Не знам ниту кој е тој“, изјави Мение.

Мение помина лошо и поради тоа што заработи жолт картон оради кој ќе го пропушти реваншот, на таа тема повторно даде бизарна изјава.

„Не знаев дека сум под закана за суспензија. Да знаев немаше да добијам жолт картон“.