Лејкерси подобри од Феникс, Денвер се врати од -23, дабл-дабл на Јокиќ (ВИДЕО)

Изминатата вечер во НБА лигата беа одиграни девет натпревари.

Лос Анџелес Лејкерси во „Стејплс Центарот“ ја совладаа екипата на Феникс Санс со резултат 125:100. Лејкерси со овој триумф стигнаа до четвртата победата на последните пет натпревари. Ентони Дејвис беше најефикасен во победничкиот тим со 25 поени, 10 скокови и 5 асистенции. Раџон Рондо забележа 23 поени, додека Леброн Џејмс беше запрен на 17 поени, а имаше уште осум скокови и 10 асистенции.

Денвер на свој терен славеше против Сан Антонио Спарс со 127:120 и така ја забележаа четвртата победа во низа. Избраниците на Мајк Мелони ја продолжија победничката низа благодарение на подобрата игра во второто полувреме. Спарси подобро го започнаа натпреварот и ја добија првата четвртина со 40:30 за на полувреме да водат со 67:53. Во еден момент Сан Антонио имаше и +23. Сепак, Наџентси заиграа одлично и во последните 12 минути заостануваа само четири поени. Потоа стигнаа до водство и до победа.

Српскиот кошаркар Никола Јокиќ натпреварот го заврши со дабл-дабл учинок од 19 поени, 8 скокови и 13 асистенции. Џамал Мареј повторно беше расположен и уфрли 26 поени, додека Пол Милисап застана на 22. Во дресот на Спарси Олдриџ постигна 33 поени, 6 скокови и 5 асистенции.

Лука Дончиќ се уште е надвор од терените поради повреда, а неговиот Далас запиша пораз од Јута со 119:123. Кај Далас расположение беа Хардвеј со 33 поени и Порзингис со 28, сепак тоа не беше доволно. Хрватот Бојан Богдановиќ одигра солиден натпревар со 23 поени, 3 скока и 2 асистенции. Одлични кај Јута беа уште Кларксон со 25 поени и Донован Мичел со 23.

НБА резултати:

Детроит – Шарлот 76:87

Индијана – Брукчин 105:106

Орландо – Атланта 135:126

Торонто – Минесота – 137:126

Милвоки – Сакраменто 123:111

Далас – Јута 119:123

Денвер – Сан Антонио 127:120

Голден Стејт – Мајми 101:113

Лејкерси – Феникс 125:100