Само четири натпревари беа одиграни изминатата вечер во НБА лигата.
Милвоки Бакси лесно славеа против Њу Орлеанс со резултат 120:108, а уште еден луд натпревар одигра Јанис Антетокумпо. Грчкиот кошаркар за 33 минути на паркетот уфрли 34 поени, 17 скокови и 6 асистенции и беше незапирлив за противниците. Кај Пеликанси одличен беше Брендон Играм со 32 поени и 7 скокови, додека Зион Вилијамсон имаше 20 поени и 7 скокови.
Уште еден поткаст! Fat Cacko: Од гитара до Fat kitchen bistro и најдобриот бургер во градот ↓↓↓
Хјустон беа подобри од Шарлот со 125:110. Тимот од Тексас до победата ги предводеше Џејмс Харден со 40 поени, 12 асистенции и девет скока. Бриџис на другата страна уфрли 20, имаше и 15 скока.
На Никола Јокиќ му недостасуваше една асистенција за трипл-дабл, натпреварот го заврши со 29 поени, 13 скокови и девет асистенции. Од друга страна Лилард уфрли 21 поен.
Леброн Џејмс беше незапирлив за Сан Антонио, а Лејкерси го добија натпреварот со резултат 129:102. „Кралот“ натпреварот го заврши со 36 поени, 9 асистенции и 7 скокови, додека кај Спарсите Демар Дерозан постигна 28 поени.
Учество во игри на среќа е дозволено за лица со 18+ години. Играј одговорно!