Барселона со „петарда“ против Леганес до четвртфинале во Купот (видео)

За разлика од минатото коло во Купот, овој пат Барселона лесно се справи со Леганес и со победа од 5:0 се пласираше во четвртфиналето.

Кике Сетиен на терен го изведе најсилниот тим, па јасно беше дека Барселона сериозно влегува во натпреварот и брзо стигна до водство. Антоан Гризман го отвори резултатот уште во четвртата минута, а неколку минути подоцна Ленгле зголеми на 2:0, резултат со кој се замина на одмор.

Во второто полувреме Каталонците не застанаа и до врв ја наполнија мрежата на противникот. Меси постигна два гола, а еднаш погоди и Артур за конечни 5:0.