Ренато Санчез минатото лето пристигна во Баерн како големо засилување. Меѓутоа во првата сезона на „Алијанц Арена“ 19-годишниот Португалец главно ја грееше клупата.
Поради тоа голема е веројатноста Санчез ова лето да ја промени средината, а Барселона сака да ја искористи таквата ситуација. Имено, каталонскиот гигант сака ова лето да го подмлади тимот, па наводно веќе испратила понуда до Баерн Минхен.
Како е да се биде професионален Counter-Strike играч! ↓↓↓
Агентот на Ренато Санчез, познатиот Жорге Мендеш настојува младиот Португалец да го промени клубот, па медиумите тврдат дека веќе подолго време е во контакт со Барселона и работи на трансферот.
Каталонците оваа сезона имаа големи проблеми во средниот ред, па веруваат дека Санчез би бил идеално засилување бидејќи може да биде алтернатива и за Иниеста и за Ракитиќ.
Освен Барселона за Санчез силен интерес покажува и Манчестер Јунајтед, кој и минатото лето сакаше да го доведе Португалецот на „Олд Трафорд“.