Реал Мадрид синоќа славеше на гостувањето кај Рајо Ваљекано и се одлепи на лидерската позиција во Примера.
„Кралевите“ славеа со минимални 1:0 и тоа со голот на Начо, а она што е интересно е што напапаѓачите на Реал не погодија и на овој натпревар.
Шанса да станеш YouTuber! Приклучи се! ↓↓↓
Имено, цели пет натпревари напаѓачите на Реал немаат постигнато гол. Последните шест гола за „кралевите“ ги постигнаа, играчот од средниот ред Касемиро (два), дефанзивецот Рафаел Варан (два), а по еднаш погодија Лука Модриќ и Начо.
Тренерот на Реал Мадрид, Зинедин Зидан предупреди дека нема место за еуфорија и дека сезоната е многу долга.
„Моменталниот пласман на табелата во Ла Лига не менува ништо. Сезоната е долга и тешка. Ние мора да продолжиме да го правиме она што го правиме добро. Не смееме тука да застанеме. Пред нас се уште многу предизвици, нема место за еуфорија“, изјави Зидан.