Никој не може да ја запре Шпанија, падна и Австрија

Ракометарите на Шпанија останаа со максимален ефект на Европското првенство и денес ја запиша 5-та победа во исто толку меча.

Денес пред „црвената фурија“ падна домаќинот Австрија, која имаше сили само да го направи неизвесно првото полувреме.

Првиот дел го добија Шпанците со 17:16, а во второто полувреме актуелниот шампион само ја зголемуваше разликата за на крајот да стигне до конечна победа од 30:26.

МВП на мечот беше Хорхе Македа, кој постигна шест гола за Шпанија, додека Јанко Божовиќ со пет погодоци беше најефикасен кај Австрија.