Готово е, Ливерпул и Сити во ЛШ, Арсенал петти, Тотенхем брилијантен, шампионот затвори со „петарда“…

Денес во Премиер лигата се одигра и последното коло за оваа сезона.

Во Лигата на шампионите место обезбедија Челзи, Тотенхем, Манчестер Сити и Ливерпул, Венгер и Арсенал ќе мораат да се задоволат само со Лигата на Европа.

„Црвените“ запишаа победа од 3:0 на домашен терен против Миделзброу. Момците на Клоп не дозволија изненадување, сепак на првиот гол се чекаше се до судиското продолжение од првиот дел, а беше дело на Роберто Фирмино. Само после шест минути игра во вториот дел Бразилецот Кутињо зголеми на 2:0, додека пак Лалана во 56 минута ги постави конечните 3:0.

Манчестер Сити на величествен начин ја затвори сезоната, запишувајќи победа од 5:0 на гостински терен против Вотфорд. Стрелци на головите за „граѓаните“ беа, Компани, Фернандињо, Габриел Хесус, а два погодоци беа дело на Серхио Агуеро.

Шампионот за оваа сезона екипата на Челзи првенството го затвори со победа од 5:1 против тимот на Сандерленд. Ова беше натпревар на првиот против последниот тим на табелата. Сандерленд преку Манкиљо уште во третата минута стигна до изненадувачко водство, но само три минути подоцна Вилијан изедначи на 1:1. Работите на свое место си дојдоа во вториот дел кога во листата на стрелци се запишаа Хазард, Педро, а два гола постигна Батшуаи.

Арсенал славеше, но и покрај тоа Венгер ќе мора да се задоволи само со Лигата на Европа. Белерин ги доведе топџиите во водство во осмата минута. Проблеми на домаќините им создаде Лоран Кошчелни кој сосема заслужено беше исклучен во 14 минута од натпреварот. Сепак и покрај тоа „Топџиите“ го зголемија водството на 2:0. Во вториот дел единствениот гол за гостите го постигна Ромалу Лукаку преку удар од белата точка, конечните 3:1 ги постави Рамзи во судиското продолжение.

„Петлите“ запишаа нова убедлива победа. Откако го совладаа Лестер со 6:1 минатото коло, овој пат Хал го испратија со седум погодоци во мрежата. Хари Кејн постигна хет трик, останатите три погодоци беа дело на Ванјама, Дејвис и Алдервилд. Тотенхем сезоната ќе ја заврши како второпласиран.

Во останатите натпревари Вест Хем го совлада Барли со 1:2, Лестер ремизираше против Бурнемоут 1:1, подмалдениот Јунајтед со 2:0 беше подобар од Кристал Палас, Стоук запиша гостинска победа против Саутемптон од 0:1, додека Свонси на свој терен триумфираше со 2:1 против ВБА.