Лоши вести за Мурињо: Кејн мора на операција!

Првата ѕвезда на Тотенхем, Хари Кејн подолг период ќе отсуствува од терените, откако лекарите проценија дека мора да оди на операција.

Лекарските прегледи потврдија дека Кејн има оштетување на тетивата на левиот бутен мускул, па ќе мора да биде опериран.

Според првите прогнози, напаѓачот ќе се врати на терените дури во април, што е лоша вест за Мурињо, кој нема адекватна замена.

Тоа значи дека „спарси“ сигурно ќе бидат активни на трансфер пазарот, а прва мета на Мурињо е напаѓачот на Милан, Криштоф Пјонтек.