Хјустон славеше во Сакраменто, шампионот падна во Индијанаполис, трипл-дабл на Јокиќ (ВИДЕО)

Изминатата вечер во НБА лигата беа одиграни 11 натпревари.

Хјустон му го нанесе на Сакраменто четвртиот пораз во низа откако Рокетси славеа на гости со 113:104. Рокетси одлично ја одиграа првата четвртина, но во втората Кингси успеваа до некаде да го следат ритамот.

Мечот конечно беше решеен во третата четвртина кога Хјустон отиде на +25. Кингси до крајот само успеаа да го ублажат поразот. Џејмс Харден постигна најмногу поени за победничкиот тим 34, а имаше и по пет скокови и асистенции. Расел Вестбрук натпреварот го заврши со 28 поени седум скокови и шест асистенции.

Хјустон после серијата од четири победи се најде на третата позиција на Западот, додека Кингси се десетти.

Со поените на Џамал Мареј на три секунди пред крајот Денвер славеше против Феникс со 113111.

Наџентси одлично го започнаа натпреварот и воведната четвртина ја добија со 34:22. Имаше предност екипата на Мајк Мелоун се до последната четвртина. Тогаш Санси ја превземаа иницијативата и поведоа со 106:98. Денвер изедначи на две минути пред крајот кога Никола Јокиќ погоди тројка. Набрзо потоа Јокиќ асистираше, а Мареј погоди за три поени и Наџентси поведоа со 111:108. Букер изедначи на 25 секунди пред крајот, меѓутоа многу брзо стигна нов одговор од Мареј за 113:111.

Никола Јокиќ стигна до 34. трипл-дабл во кариерата со што стигна до десеттата позиција. Српскиот кошаркар натпреварот го заврши со 22 поени, 12 скокови и 10 асистенции. Џамал Мареј имаше 28 поени, три скока и седум асистенции. Кај Санси се издвои Рики Рубио со 21 поен, седум скокови и девет асистенции.

Возбудливо беше во Индијанаполис. Иако домаќините во првата четвртина стегкнаа предност од 30:19 шампионите успеаа да се вратат и да надоместат во третиот период. Имаа Рапторси предност во поголеиот дел од четвртата четвтина, но на крајот мораа да се борат за продолженија. Индијана после тројката на Ворен поведе со 107:105, за потоа Лаури на 34 секунди до крајот да изедначи. Промашуваа и едните и другите, па одлучи продолжението.

Во дополнителното време подобри беа Пејсерси кои ја запишаа 21. победа во сезоната и се наоѓаат на шестото место на истокот. Торонто е поразен после пет натпревари и четврти.

Ворен и Мајлс Тарнер во Индијана имаа по 24 поени. Кај Рапторси Кајл Лаури уфрли 30 поени.

НБА резултати:

Кливленд – Атланта 121:118

Детроит – Филаделфија 109:125

Индијана – Торонто 120:115

Њујорк Никси – Вашингтон 115:121

Орландо – Чикаго Булс 103:95

Мајами – Јута 107:104

Мемфис – Сан Антонио 115:145

Феникс – Денвер 111:113

Портланд – Њу Орлеанс 94:102

Сакраменто – Хјустон 104:113

Голден Стејт – Минесота 113:104