Играчите на Реал нема да излезат од авион ако не им биде гарантирана безбедност

Популарното „Ел Класико“ помеѓу Барселона и Реал Мадрид еднаш беше одложено, а на една недела пред почетокот никој не се осмелува да им гарантира безбедност на фудбалерите на „кралскиот“ клуб во каталонската престолнина.

Локалната каталонска власт уште нема дадено никаков став за натпреварот, а Реал Мадрид остануваат на планот нивниот хотел да биде на само 800 метри од „Ноу Камп“, а исто така не планираат да преноќат во градот – мечот треба да почне во 20 часот и тие планираат да дојдат и да заминат во ист ден.

За полицијата најкритично би било движењето на фудбалерите на Реал од аеродромот во Барселона до хотелот, а потоа и од хотелот до „Камп Ноу“.

Поради тоа „кралскиот“ клуб одлучи играчите на Реал Мадрид да не излегуваат од авион ако не им биде гарантирана безбедноста во Барселона.

Ова е сосема очекувана реакција на Реал, па сигурно дека во наредните денови повторно ќе има тензии на релација Мадрид – Барселона.

? ¡OJO! El Madrid no se bajará ni del avión si no tiene la seguridad garantizada.

? Información de @jfelixdiaz desvelada en @elchiringuitotv. #JUGONES pic.twitter.com/TPLJL2wUuI

— El Chiringuito TV (@elchiringuitotv) December 12, 2019