Видео: Наполи и Ливерпул со рутински победи до осминафинале

Наполи и Ливерпул ја потврдија фаворитската улога и со рутински победи обезбедија пласман во осминафиналето од Лигата на шампиони.

Наполи запиша висока победа од 4:0 над Генк, во натпревар во кој Елмас го проследи од клупата, а во главна улога беше Аркадиус Милик.

Полскиот напаѓач постигна три гола во првото полувреме и го реши победникот, а точка на натпреварот стави Мертенс од белата точка.

Ливерпул не калкулираше во Салцбург и од самиот старт тргна во офанзива по трите бода. Првата голема шанса ја имаа домашните, но Алисон беше на висината на задачата.

Во второто полувреме „црвените“ го решија мечот во само три минути. Најпрво Кеита, а потоа и Салах му донесоа победа на Ливерпул од 2:0 и прво место во групата.