Мурињо пред враќањето на „Олд Трафорд“: Јас не губам – или победувам или учам!

Жозе Мурињо утре (20:30 часот) за прв пат како тренер ќе се врати на „Олд Трафорд“ по отказот кој го доби во декември минатата година.

Неговиот Тотенхем ќе се обиде да ја продлабочи кризата во Јунајтед.

„Манчестер Јунајтед за мене е завршена приказна. Ми беше убаво таму, а уживав и во времето после отказот. Не занимавам со Јунајтед, ги анализирам како и секој друг противник. Како да ги победиме? Како тие можат да не победат? Тоа е единствено што е важно. Одлично се чуствувам, во улога на стручен коментатор тука бев прекрасно пречекан“, изјави Мурињо, а за крај го цитираше големиот Нелсон Мендела:

„Јас никогаш не губам. Или победувам или учам. Во Јунајтед победував и учев, извлеков големо искуство“, заврши Португалецот.