Вардар пред Веспрем со големо изненадувње на голманската позиција!

Вардар денес од 17:00 часот во „СЦ Јане Сандаски“ ќе игра против Веспрем во последниот натпревар во Лигата на шампионите оваа година.

Денес црвено-црните ќе се обидат да се одмаздат за поразот во Унгарија од 39:30.

За овој натпревар тренерот Едуард Кокшаров направи изненадување на голманската позиција и место Артур Кугис во тимот е 19 годишниот Васил Гогов.

Во тимот се враќа Сергеј Горбок, а ги нема Дисингер кој ќе паузира 4-5 месеци, како и Хозе Толедо кој после операцијата во текот на летото наскоро би требало да му биде на располагање на Вардар.