Хамилтон со пол-позиција во Абу Даби

Шесткратниот шампион во Формула 1, Луис Хамилтон, ќе стартува од пол-позицијата на утрешната трка во Абу Даби, и ќе се обиде со победа да ја заврши сезоната во која дојде до нова титула.

Тој имаше најдобар резултат во денешните квалификации на завршниот викенд од најбрзиот шампионат. За пилотот на Мерцедес ова е шеста пол позиција сезонава, 88. вкупно во кариерата.

Позади Хамилтон се најдоа Макс Верстапен и двајцата пилоти на Ферари, Шарл Леклер односно Себастијан Фетел. Второ најбрзо време имаше Валтери Ботас, но Финецот го смени моторот и ќе тргне од последната позиција.