Ракометарките го победија Косово за крај на турнирот во Турција

Женската репрезентација на Македонија славеше со 30:27 против Косово во четвртиот пријателски натпревар.

Денес ракометарите добро започнаа и после првото полувреме направија предност од четири гола (17:13). Таа предност успеаа да ја задржат до крајот на натпреварот.

На пријателскиот турнир во Анталија претходно го победивме младиот тим на Турција со 37:19, па изгубивме од првиот тим на домаќинот (33:42) и ремизиравме со Италија (29:29).

Најефикасна во натпреварот со Косово беше Елена Ѓорѓиевска со осум голови.