Клоп: Меси е најдобар, но „Златната топка“ треба да ја добие Ван Дајк

Менаџерот на Ливерпул, Јирген Клоп смета дека една од ѕвездите на неговиот тим – Вирџил ван Дајк, треба да ја освои „Златната топка“ оваа година.

Наградата ќе биде доделена на церемонија следната недела, на 2-ри декември, а Ван Дајк и Лионел Меси се најголеми фаворити.

„Ако наградата се дава на најдобриот играч воопшто, тогаш таа секогаш треба да ја добива Лео Меси. Но, ако наградата се доделува на најдобриот играч од последната сезона, тоа е Вирџил ван Дајк. Не знам точно како се водат луѓето кои гласаат, но според мене е така. Ќе видиме. Најдобриот играч воопшто е Лео Меси, но најдобриот играч за минатата сезона е Ван Дајк“, заклучи Клоп.