Интересот е огромен: Ливерпул повторно ќе го проширува Енфилд

Европскиот шампион Леверпул, најави дека повторно планира дополнително да го прошири капацитетот на својот стадион „Енфилд“, поради зголемиот интерес за домашните натпревари.

Клубот поделил повеќе од 5.000 летоци за да го повика локалното население и дел од бизнисмените на јавни средби на кои ќе се зборува за зголемување на капацитетот на стадионот.

Интересно за да се гледа тимот на Јирген Клоп е огромен па го надминува капицитетот на „Енфилд“ кој изнесува 54.000 седишта, посебно по освојувањето на титулата во Лигата на шампионите.

Поради тоа најавена е нова реконструкција со која капацитетот на Енфилд ќе се зголеми за нови 6.000 места, односно ќе има капацитет од 60.000 места.

Интересно е што „црвените“ пред само три години инвестираа 130 милиони евра во доградба на својот стадион, кој претходно имаше капацитет од 45.000 места.