Официјално: Луис Енрике се врати на кормилото на Шпанија

Претседателот на шпанската фудбалска федерација, Луис Рубиалес на пресконференција потврди дека Луис Енрике се враќа на чело на „црвената фурија“.

49-годишниот стратег го напушти кормилото на шпанската репрезентација на 19-ти јуни поради лични причини, а точно пет месеци покасно повторно е промовиран за селектор на националниот тим.

Синоќа Шпанците ги заврпија квалификациите како првопласирани во групата со победата од 5:0 над Романија, а веднаш после мечот беше отпуштен селекторот Роберто Морено, кој претходно му беше помошник на Луис Енрике.