Пике потврди дека имал разговор со Флорентино Перез!

Дефанзивецот на Барселона Џерард Пике откри дека имал телефонски разговор со претседателот на Реал Мадрид, Флорентино Перез.

Пике исто така потврди дека не се зборувало за фудбал, туку имале некои приватни работи кои не сака да ги открива.

„Порано го имав бројот на Перез, а не знам дали се уште го има истиот број или го променил. Не разговаравме за фудбал, се работеше за нешто лично“, призна Пике.

Со ова тој ја исклучи можноста дека Перез можеби го побарал Пике да се пресели во Реал, а ќе остане мистерија за што разговарале ѕвездата на Барселона и првиот човек на Реал Мадрид.

Пике е познат како некој кој воопшто не го сака Реал и често со своите изјави ги пецка „кралевите“.