Кошаркарите на Бостон Селтикс изборија пласман во финалето, во Источната конференција во НБА лигата, откако во седмиот решавачки натпревар забележа победа над Вашингтон Визардс 115:105.
Бостон, мајсотрката против Вашингтон, ја реши во последните неколку минути, откако претходно неговите играчи испуштија предност од 13 поени. При резултат 101:97, Селтикс со серија 9:3 го решија прашањето на победникот.
Вардар, Работнички, Силекс, Шкендија – Кој ќе блесне во Европа!? ↓↓↓
Неочекувано, херој на Бостон е Кели Олиник, кој постигна рекордни во кариерата 26 поени. Најефикасен кај победникот беше Ајзеа Томас со 29 поени и 12 асистенции.
На Вашингтон не му помогна ниту брилијантниот Бредли Бил кој мечот го заврши со 38 поени, додека мечот со двоен ефект го завршија Ото Портер јуниор (20 поени, 10 скокови) и Џон Вол (18 поени, 11 асистенции).
Бостон во финалето на Истокот ќе игра против актуелниот првак Кливленд. Првите два меча се играат во Бостон на 18 и 20 мај, а потоа два натпревари ќе се играат на теренот на Кливленд на 22 и 24 мај.
Учество во игри на среќа е дозволено за лица со 18+ години. Играј одговорно!