Федерер му одржа лекција на Ѓоковиќ за полуфинале во Лондон

Роџер Федерер се пласираше во полуфиналето на завршниот Мастерс во Лондон откако со 2:0 (6:4, 6:3) го победи Новак Ѓоковиќ.

Иако има 38 години Федерер со уште еден неверојатен настап покажа дека може да прикажува настапи на највисоко ниво. Швајцарецот фуриозно влезе во мечот, а веќе во првиот гем пропушти брејк топка. Наредната брејк топка ја имаше во третиот гем и веднаш ја искористи. На свој сервис беше сигурен и првиот сет рутински го приведе кон крај за 6:4.

Вториот сет започна со брејк топки за Федерер кои Ѓоковиќ повторно ги одбрани. Во четвртиот гем српскиот тенисер имаше една брејк прилика, но не ја искористи.

Клучниот гем во вториот сет беше петтиот кога Федерер направи брејк и поведе со 3:2 и во наредниот гем го потврди на свој сервис. Во деветтиот гем Швајцарецот направи уште еден брејк за 6:3 и конечна победа.