Голден Стејт редат порази, Јокиќ се радуваше против Вучевиќ (ВИДЕО)

Изминатата вечер во НБА лигата беа одиграни осум натпревари.

Бруклин Нетс го запишаа четвртиот пораз оваа сезона, овој пат беа поразени на гостувањето кај Детроит.

Иако ослабени за неиграњето на неколку важни играчи, пред се на Блејк Грифин, Пистонси успеаа да победат. Конечниот резултат на крајот гласеше 103:99.

Нетси во третата четвртина имаа предност од дури 14 поени, но домаќините успеаа да дојдат до пресврт и до втор триумф во низа на домашен паркет. Клучна беше серијата од 39:12, одличен настап имаше и Андреа Друмонд кој натпреварот го заврши со 25 поени и 10 скокови.

Кајри Ирвинг натпреварот го заврши со трипл-дабл и учинок од 20 поени, 11 скока и 10 асистенции, но тоа на Нетси не им беше од големо значење.

Најдраматично беше во Портланд каде што домаќинот и покрај тоа што имаше предност од 21 поен запиша пораз од Филаделфија со резултат 128:129. Поенот за победа за гостите го постигна Фуркан Коркмаз.

Нов пораз, трет во низа запишаа Голден Стејт. Шарлот беше подобар од Вориорсите со резултат 87:93. Најдобри поединци на овој натпревар беа Бакон и Пашал со по 25 поени.

Денвер на гости кај Орландо стигна до победа од 87:91. Никола Јокиќ за Денвер на оваа средба уфрли 20 поени и додаде седум скока и четири асистенции. Најефикасен натпреварот беше Црногорецот Вучевиќ со 24 поени, седум скока и две асистенции.

НБА Резултати:

Портланд – Филаделфиј 128:129

Детроит – Бруклин 103:99

Милвоки – Торонто 115:105

Голден Стејт – Шарлот 87:93

Мемфис – Феникс 105:114

Вашингтон – Минесота 109:131

Орландо – Денвер 87:91

Оклахома – Њу Орлеанс 115:104