Мбапе го сруши рекордот на Меси

ПСЖ вечерва на крилата на Килијан Мбапе го совлада Клуб Бриж во рамките на 3. коло во ЛШ.

Францускиот тим во целост го надигра Бриж и на крајот славеше со високи 5:0, а прва ѕвезда на натпреварот беше Мбапе, кој уште еднаш покажа дека пред него е блескава иднина.

Мбапе на Бриж успеа да му даде три гола, а освен што го понесе епитетот најдобар играч на натпреварот, на крајот го сруши и рекордот кој претходно беше сопственост на Лео Меси.

Со вечерашниот хет-трик Мбапе успеа да дојде до бројката од 15 погодоци во ЛШ и воедно да стане најмладиот играч на кој тоа му успеало. Претходно рекордот го држеше Аргентинецот, со тоа што тој до тоа достигнување дојде кога имаше 21 година и 289 дена, додека Мбапе има 20 години и 302 дена.

Покрај Мбапе, за ПСЖ вечерва два погодоци постигна Икарди.

Kylian Mbappé is the youngest player in Champions League history to score 15 #UCL goals.

The player’s record he has broken? Lionel Messi. ? pic.twitter.com/jZF1aIykC2

— Squawka Football (@Squawka) October 22, 2019