Протест на „Сан Сиро“: Милан вечерва ќе има ама исто како да нема навивачи!

Четири порази во првите седум кола, 11-то место на табелата, промена на тренерот – тоа е учинокот на Милан оваа сезона.

„Росонерите“ не играат ниту во Лигата на Европа поради финансискиот фер плеј и сето тоа ги лути навивачите.

Во поразот од Фиорентина (1:3) навивачите од јужна трибина извикуваа: Срамота, срамота! Ја навредуваа клупската управа во која се Паоло Малдини и Звонимир Бобан, а потоа и го напуштија стадионот.

Следуваше натпреварот со Џенова на тој истакнаа транспарент на кој пишувашез: Времето истече, демонстрирајте!

Ни репрезентативната пауза не ги смири навивачите кои вечерва против Лече на „Сан Сиро“ одново ќе протестираат.

Според „Газета“ навивачите на Милан ќе молчат во текот на целиот натпревар и со тоа ќе испратат јасна порака на управата и ќе го искажат своето незадоволство.

Milan's Curva Sud are expected to remain silent for the entire Milan-Lecce game tonight as a sign of protest against the club management [Gazzetta dello Sport] pic.twitter.com/DNGs97LYVm

— Milan Eye (@MilanEye) October 20, 2019