Официјално: „Ел Класико“ одложено!

Она што се најавуваше сега е официјално потврдено – Ел Класико е одложено!

Натпреварот на двата шпански гигант е одложен поради хаосот во Каталонија. Во Каталонија овие денови има големи протести поради одлуката на судот во Мадрид да ги осуди на затворски казни организаторите на референдумот во Каталонија.

Постоеа неколку опции, меѓутоа на крајот е одлучено натпреварот да биде одложен.

Датумот за одигрувањето на овој натпревар ќе биде познат во понеделник (21-ви октомври). Засега како можен термин се шпекулира за 18-ти декември.