Заслужено: „Моторот“ на Вардар се најде во тимот на колото во ЛШ

Тимот на Вардар со победа ја започна одбраната во титулата во Лигата на шампионите.

Црвено-црните исто како и минатата година кога го започнаа походот кон втората титула забележаа победа против Монпелје од 33:31.

Вистински предводник на Вардар беше Сташ Скубе кој постигна седум гола и неговиот настап не помина незабележано од ЕХФ па се најде во тимот на колото.

Покрај Скубе во тимот се уште: Андреас Волф (Кил), Диего Бранкињо (Порто), Никола Билик (Кил), Малс Кристијансен (Алборг), Валентин Јоанеа (Спортинг), Лудовик Фабрегас (Барселона).

Јоанеа од Спортинг се најде во тимот откако на битолски Еурфорам му даде десет гола во победата од 30:29.