Челзи триумфално го мина тешкото гостување во Ливерпул, кај Евертон, додека манчестерските тимови, Јунајтед и Сити освоија само по еден бод во дуелите со Свонси односно Мидлзброу.
Челзи веројатно ја оствари клучната победа во борбата за шампионската титула, откако во 35.коло славеше на „Гудисон“ кај Евертон со 3:0.
Екипата на Антонио Конте до победата дојде во второто полувреме кога ги постигна трите гола.
„Сините“ головите ги постигнаа преку Педро, капитенот Кејхил и Вилијан.
Мидлзброу на „Риверсајд“ два пати водеше против Сити, а гостите од пораз ги спаси тинејџерот Габриел Жесус со голот постигнат на пет минути до крајот на мечот.
Претходно, Негердо постигна гол за 1:0. Во вториот дел израмни Агуеро, а нова предност на домаќинот му донесе Чемберс во 77.минута.
Учество во игри на среќа е дозволено за лица со 18+ години. Играј одговорно!