Италијанските медиуми денес лансираа вистинска „бомба“ и тврдат дека контроверзниот менаџер Мино Раиола му го понудил Џиџи Донарума на раководството на Интер.
Иднината на Донарума е главна тема на Апенините веќе подолго време, со оглед на фактот дека сеуште го нема продолжено договорот со Милан.
Воздухот што нè убива: Зошто Скопје е меѓу најзагадените градови?
18-годишниот Џиџо покажа дека е еден од најголемите таленти во светот и многу европски гиганти сакаат да го донесат во своите редови.
Новото раководство на „росонерите“ започна преговори за продолжување на договорот, но Раиола побара време и сака да извлече што е можно поголема сума.
Денес медиумите објавија шокантна информација и тврдат дека Раиола му го понудил Донарума на градскиот ривал Интер и дека е спремен да започне преговори со „нероаѕурите“.
Милан сигурно нема да се согласи на такво сценарио, а медиумите тврдат дека тоа е само тактика на Раиола да извлече што е можно побогат договор со младиот голман.
Учество во игри на среќа е дозволено за лица со 18+ години. Играј одговорно!