Мурињо најде замени за Ибра и Руни – ќе троши 200 милиони!

Манчестер Јунајтед во следниот преоден рок го олекува голем ремонт во нападот. Златан Ибрахимовиќ е тешко повреден, а на крајот на сезоната сигурно заминува и Вејн Руни.

Англиските медиуми тврдат дека Жозе Мурињо веќе ги нашол нивните наследници, во Шпанија и Италија, и е спремен да потроши 200 милиони евра за да ги донесе на „Олд Трафорд“.

Станува збор за Антоан Гризман од Атлетико Мадрид и Андреа Белоти од Торино. Медиумите тврдат дека трансферот на Французинот е договорен и само прашање на време е кога ќе биде потврден, а „црвените ѓаволи“ за неговиот потпис ќе платат 100 милиони евра.

Истиот износ Манчестер Јунајтед е спремен да го плати и за ѕвездата на Торино, Андреа Белоти кој оваа сезона е најдобар стрелец во Серија А.