Ракометарките на ЖРК Вардар ја освоија титулата во женската регионална ракометна лига откако синоќа во финалето што се одигра во СЦ „Јане Сандански“ го совладаа големиот ривал Будуќност со 27:25 (15:14).
„Вардарки“ триумфот го најавија на самиот старт со одличниот настап на голманката Амадин Лејно, која вчера во полуфиналето со Подравка не бранеше, а денеска имаше одличен почеток на финалето со четири одбрани. ЖРК Вардар во финишот на првиот дел имаше водство од четири голови, но Будуќност преку бековите Кристина Неагу и Катарина Булатовиќ го намалија водството.
Пред дербито, падна најважниот потпис во Манчестер Сити! ↓↓↓
На почетокот на вториот дел „црвено-црните“ поведоа со 20:17, но кон средината на полувремето, Будуќност имаше водство со 22:21. Македонскиот првак брзо ги консолидираше редовите и стигна до победата.
Најефикасна кај ЖРК Вардар беше Тамара Мавсар со шест постигнати голови, а Андреа Пенезиќ постигна пет. Во таборот на Будуќност, Неагу и Булатовиќ дадоа по осум голови.
Во малото финале екипата на Крим постигна победа од 31:25 против Подравка.
Учество во игри на среќа е дозволено за лица со 18+ години. Играј одговорно!